.:. المدارس الاهليه والحكوميه والاختلاف .:.

[نَبْضْ مَشَاع ـِـرْ]

السلام عليكم

الموضوع باين من عنوانه

ما الفروقات الموجوده بالمدارس الاهليه ولا توجد بالمدارس الحكوميه ؟

بنظرك انت لو خيروك الاختيار

انت تدرس اهليه او حكومي ولماذا ؟

وهل صحيح معاملة الطالب بالمدارس الاهليه تختلف عن معاملة الطالب
بالمدرسه الحكوميه ؟

ومن ناحية علميه بحته

ايهما افضل علمياً بين الطالب الاهلي والطالب الحكومي بعيداً عن النسبه او الدرجه ؟

انتظر تواجدكم واعطى رائيكم

[Aroma]

انت تدرس اهليه او حكومي ولماذا ؟
اكيد اهليه ادور راحتي خخ بس امرنا ع الله ~

وهل صحيح معاملة الطالب بالمدارس الاهليه تختلف عن معاملة الطالب
بالمدرسه الحكوميه ؟
طبعـأَ تختلفـ يعني بالاهليه يعاملون الطالبات بسهوله وبدون تشدد بس الحكوميه متشددين ويعنني يطبقون الانظمه بالنقطهـ ~


ايهما افضل علمياً بين الطالب الاهلي والطالب الحكومي بعيداً عن النسبه او الدرجه ؟

اكيد طالب الحكومي لانك ماتنجح ولا انت اكيد فاهمـ,,اما الاهليه يعطونك درجات حتى لو انت دلخ وماتعرف تكتبـ يعني يشموونهم عشان دافعين~

{مالنـأ الا الحكوومي~ :clap:

[نَبْضْ مَشَاع ـِـرْ]

اكيد طالب الحكومي لانك ماتنجح ولا انت اكيد فاهمـ,,اما الاهليه يعطونك درجات حتى لو انت دلخ وماتعرف تكتبـ يعني يشموونهم عشان دافعين~

مع هالاجابه نصل لشي :

الطالب الحكومي يتخرج من الثانويه ومحصلته العلميه جيده
والطالب الاهلي يتخرج من الثانويه محصلته العلميه اقل من جيده
مع ذلك الطالب الاهلي فرص قبوله افضل من الحكومي
لكن ما ننكر وجود طلاب بالمدارس الحكوميه ما يدرون وين الدراسه فيه
ولا ننكر وجود طلاب بالاهليه متفوقين ومجتهدين


مشكوره باريس على تنوير صفحتي ونقاشك معنا

ما زلت انتظر المزيد من الاراء

[شبيه الريح]

مع احترامي الشديد للاخوان اللي في المدرسة الاهلية هاذا يعتبر بنسبة

لي انه داج رايح في خرايط امها وابوها ومايفهم يدور راحتة وعارف

انه ماخذ النسبة ماخذها الله لايعوق بشر



اما اللي في المدرسة الحكومية فهاذا مسيكين مافيه الا دراسة وعصر مخ

الين يجيب النسبة اللي يبيها وعارف انها ماتجي الا بطلعة الروح وقلة

الادب ومافيه امل احد يساعده

(هاذي وجهة نظري )

ويعطيك العافية اخوي نبوووض وتقبل مروري

[زٍُفْرٌٍآتُِِّْ آلسٌِِّنْيَنْ]

أولا يسـلمـوو يالغــلا على المـوضـوع الـرائـع


وبالنـسبـه لمـوضـوع .. مـن رأيي الشخـصي أن المـدارس الأهـليـه أكـثر راحـه مـن المـدارس الحكـومـيه

مـن نـاحـيـة تـعـامـل المـدرسيـن مـع الـطـالـب وتـفهـمـه لأمـور الـطـالب

وحـل مـشاكـلهـم .. أمـا المـدراس الحكـومـيه مـن تـجـربـه شخـصيـه مـريـت فيـها

أحـس تعـامـلهم مـع الطـالب أقـل مـن الســيء وأنـا مـاجـلست فيـهـا إلا تـرم واحـد وطـلعـت مـنهـا

أمـا المـدارس الأهـليـه أرهـب مـن الـرهـيبـه مـن حـيث التـدريـس

وكـل شـي .. يعـنـي بالمخـتـصـر أن الأهـلي أفـضل مـن الحـكـومـي ..


وســوري يالغـــلا على الأطـالـه

ويسلمـوو مـره ثـانـيه على المـوضـوع


^_^

[زٍُفْرٌٍآتُِِّْ آلسٌِِّنْيَنْ]

الطالب الحكومي يتخرج من الثانويه ومحصلته العلميه جيده
والطالب الاهلي يتخرج من الثانويه محصلته العلميه اقل من جيده
مع ذلك الطالب الاهلي فرص قبوله افضل من الحكومي



أختـلف مـعـك خـيــو نـبض بـرأيــك وأحـب أقـولك أنـا مـتخـرجـه

مـن مـدرسـه أهـليـه ولا أنقبلت :cloud9: يعني لاتقـول أن فـرص القبـول بخـريجـين المـداس الأهـليـه

أحـسن مـن الحكـومـي .. :roo7 (9):

والمـحـصلـه العـلمـيه لطـالب مـالهـا عـلاقـه بالمـدارس الحكـومـيه ولا الأهـليه

لان الطـالب هـو نــفسـه اللي يـحدد مـستـواه ..


مع احترامي الشديد للاخوان اللي في المدرسة الاهلية هاذا يعتبر بنسبة

لي انه داج رايح في خرايط امها وابوها ومايفهم يدور راحتة وعارف

انه ماخذ النسبة ماخذها الله لايعوق بشر



خــيــو شبيــه لاتـعـم لان مـو كـل اللي بالمـدارس الأهـليـه كـذا

وتـرى فيـه بالمـدارس الحكـومـيه طلاااب داجـين بقـوه بـعـد .. :roo7 (9):

[نَبْضْ مَشَاع ـِـرْ]

مع احترامي الشديد للاخوان اللي في المدرسة الاهلية هاذا يعتبر بنسبة

لي انه داج رايح في خرايط امها وابوها ومايفهم يدور راحتة وعارف

انه ماخذ النسبة ماخذها الله لايعوق بشر



اما اللي في المدرسة الحكومية فهاذا مسيكين مافيه الا دراسة وعصر مخ

الين يجيب النسبة اللي يبيها وعارف انها ماتجي الا بطلعة الروح وقلة

الادب ومافيه امل احد يساعده

(هاذي وجهة نظري )

ويعطيك العافية اخوي نبوووض وتقبل مروري

وجهة نظرك

انا معك في نقطه وحده

المدارس الحكوميه شديده بتعاملها بعكس الاهليه تحس بالرفاهيه

مشكور شبيه وحياك بالموضوع بأي وقت

[نَبْضْ مَشَاع ـِـرْ]

.. زفرات السنين ..

وجهة نظرك مرحبه منك

وجهة نظرك تقول الراحه النفسيه بالاهليه افضل بكثير من الحكوميه
وهالشي متفق عليه الجميع من ناحية عدد الطلاب او الطالبات بالفصل
بالحكوميه قد يصل الى 40 واكثر
بعكس الاهليه تشاهدين الفصل بعدد معقول

لكن اخالفك بنقطه انا من اول ابتدائي الى ثالث ثانوي
وادرس بمدرسه حكوميه وتعاملهم معي شخصيا راقي تماما
وبالتحديد بالمرحله الثانويه تعامل الاخ مع اخيه الصغير
تفهم وضع الطالب - اعطى الطلاب حرية اختيار يوم الاختبار
اعطى الطلاب فرصه لاعادة الاختبار اذا كان الطلاب محترم بتعامله داخل الفصل - وما يميز الحكومي عن الاهلي المدرسين سعوديين بالاجماع
يفهم وضعك ويقدر الطالب يعني بيني وبينك المدرس فاهم الطالب
بعكس الاهليه مدرس اجنبي سواء كان مصري او سوري

اذا جيت اتكلم كمدرسين
المدارس الحكوميه تعتمد على المعلم وتخصصه ترين مدرس الكيمياء
يدرس كيمياء ومدرس الفيزياء يدرس فيزياء
بعكس الاهليه وحسب ما قاله احد الاخوان
يقول بصف ثاني ثانوي مدرس مصري درسنا كيمياء
وبثالث ثانوي صار يدرسنا فيزياء
يعني ما ادري وش اقول هل المدرس يحمل شهادتين !!

انا اتكلم مدرسه بنين اما مدرسة البنات انتو اعلم بها

[نَبْضْ مَشَاع ـِـرْ]

أختـلف مـعـك خـيــو نـبض بـرأيــك وأحـب أقـولك أنـا مـتخـرجـه

مـن مـدرسـه أهـليـه ولا أنقبلت يعني لاتقـول أن فـرص القبـول بخـريجـين المـداس الأهـليـه

أحـسن مـن الحكـومـي ..

والمـحـصلـه العـلمـيه لطـالب مـالهـا عـلاقـه بالمـدارس الحكـومـيه ولا الأهـليه

لان الطـالب هـو نــفسـه اللي يـحدد مـستـواه ..

صحيح لكن اكثر الطلاب المنقبلين من مدارس اهليه
لكن ما يمنع وجود طلاب حكوميين مقبولين
والعكس وجود طلاب من مدرسه اهليه ولم يتم قبولهم
لكن فرص قبول الاهلي كنسبه تعتبر اكثر من الحكومي

[زٍُفْرٌٍآتُِِّْ آلسٌِِّنْيَنْ]

لكن اخالفك بنقطه انا من اول ابتدائي الى ثالث ثانوي
وادرس بمدرسه حكوميه وتعاملهم معي شخصيا راقي تماما
وبالتحديد بالمرحله الثانويه تعامل الاخ مع اخيه الصغير
تفهم وضع الطالب - اعطى الطلاب حرية اختيار يوم الاختبار
اعطى الطلاب فرصه لاعادة الاختبار اذا كان الطلاب محترم بتعامله داخل الفصل -


يمـكن يـكون واحـد بالميـه تـكون المـدارس الحكـومـيه كـذا بس الأغلبيـه

العكـس تمـامـاً .. يعـامـلونـك على أنـك جـاي تـطـر مـنـهم ..

وربي بمـجـرد أنـك تـقبـل على غـرفـة المـدرسـين وتـوك مـانـطـقت بحـرف واحـد

على طـول يجـيك تهـزاء مـاله أول ولا أخـر ..

أمـا الـمـدارس الأهـليـه قمـه بالـذوق والأحتـرام بتعـامـلـه مـع الطـالـب ..


وما يميز الحكومي عن الاهلي المدرسين سعوديين بالاجماع
يفهم وضعك ويقدر الطالب يعني بيني وبينك المدرس فاهم الطالب
بعكس الاهليه مدرس اجنبي سواء كان مصري او سوري


لا مـو كـل المـدارس الأهـليـه أجـانـب وربي المـدرسـه اللي درسـت فيـها

المـدرسـه الأجـنـيـه الـوحـيده مـدرسـة اللغـه الأنجـليـزيـه أمـا البـاقي سعـوديـات ..



اذا جيت اتكلم كمدرسين
المدارس الحكوميه تعتمد على المعلم وتخصصه ترين مدرس الكيمياء
يدرس كيمياء ومدرس الفيزياء يدرس فيزياء
بعكس الاهليه وحسب ما قاله احد الاخوان
يقول بصف ثاني ثانوي مدرس مصري درسنا كيمياء
وبثالث ثانوي صار يدرسنا فيزياء
يعني ما ادري وش اقول هل المدرس يحمل شهادتين !!


صـح أنـا مـعـك فيـه مـدارس أهـليـه كـذا بـس مـو كـلهـا..


صحيح لكن اكثر الطلاب المنقبلين من مدارس اهليه
لكن ما يمنع وجود طلاب حكوميين مقبولين
والعكس وجود طلاب من مدرسه اهليه ولم يتم قبولهم
لكن فرص قبول الاهلي كنسبه تعتبر اكثر من الحكومي


بـس اللي تـشـوفـه قـدامـك غيـر كـذا أبـداً ..

وربي أغـلب اللي أعـرفـهم ومـتـخـرجـين مـن مـدارس حـكـومـيه

منـقبلـين أمـا اللي متـخرجـين مـن مـدارس أهـليـه مـانـقبلـوا

وربي وحـده نـسبـتهـا 94 % ومـتـخـرجـه مـن مـدرسـه أهـليـه

وش بعـد 94 شـي :roo7 (66): ومـا أنـقبلـت .. وإذا جـينـا بنتـكـلم على مـوضـوع

القـبـول .. مـافيـه شـي يمـشي الحـين مـن غيـر فتـمـين واو :roo7 (76): ..


<< حـسيت أنـي طـلعـت بـرا المـوضـوع ^_^ :biggrin2:


وبالنـهـايـه أختـلاف الـرأي لايـفسـد للـود قـضيـه :cloud9:

[fahadynho]

طـرح جميـل ..,

موضوع للنقـاش .. وهـذآ واللـه خوش موضوع ميا ميـا .. : \

انا داخل مدرسه حكوميه .. لكنها تقول سجن واللـه .. انا شاطر طول عمري بالمتوسط والإبتدائي ويم دخلت ..((ثـآبت بن قيس)).. وربي اني اول شهر لي جبت فيه 7 واللــــه ..!!

وآفكككـر إلا مو آفكر ابي انتقل الفصل الثاني إلـى مدرسه خاصـه ..\\

والسبب يرجع إلـى تصلب المدرسين وإدارة المدرسـه ..\\ وانهم بعد ما يساعدونا بآي شي .. والإختبرات تجي من الوزاراه .. : | يعني بالعربي يخلونك تنتحر لو درسة بالحكومه ..


وشكراًَ

[حنين الذكرى]

1/ ما الفروقات الموجوده بالمدارس الاهليه ولا توجد بالمدارس الحكوميه ؟

المدارس الاهليه :

أ/ تدلع الطالب آخر دلع وما تخليه يعتمد على نفسه في المذاكره متعود على التبسيط وكل شي يجيه على طبق من ذهب

من ملخصات ونص الكتاب محذوف مايتعب في المعلومه إللي تجيه

ب/ الآساتذه قمه في التدريس من ناحيه الشرح وآهتمامهم بالطالب

المدارس الحكوميه :

أ/ يتعب في المذاكره ويلخص كل شي لنفسه

ب/ الآساتذه فيه منهم قمه وبعضهم للآسف حرام يدرس وآهتمامهم بالطالب قليل

2/ بنظرك انت لو خيروك الاختيار انت تدرس اهليه او حكومي ولماذا ؟

آختار الآثنين

بآخذ من الأهليه آهتمامهم بالطالب وشرح الآساتذه

والحكوميه كيف الطالب يعتمد على نفسه

3/ وهل صحيح معاملة الطالب بالمدارس الاهليه تختلف عن معاملة الطالب بالمدرسه الحكوميه ؟

تختلف 180 درجه لآن الآهليه تعامل الطالب باللين والحكوميه بالشده

4/ايهما افضل علمياً بين الطالب الاهلي والطالب الحكومي بعيداً عن النسبه او الدرجه ؟

الحكومي

بس من ناجية النسبه آو الدرجه آكيد الآهليه آفضل

وآكبر دليل إن الحكومي آفضل من الآهلي ثالث ثانوي

نلاحظ نسب الطلاب الترم الآول مرتفعه والترم الثاني تنزل نسب المدراس الآهليه بنسب كبيره آما الحكوميه تنزل بس بنسب قليله

وردي ماعميته على كل الطلاب بس الآغلبيه كذا

مشكور نبض لطرحك مثل هالموضوع

لا عدمنــاااك

:

[نَبْضْ مَشَاع ـِـرْ]

.. زفرات السنين ..

اذا حطينا معايير القبول قد تختلف من كليه لكليه
واغلب الطلاب والطالبات وللاسف يحددون رغبه او رغبتين بالكثير ثلاث
مع ان الجامعه فاتحه لك 10 رغبات واذا 10 رغبات هذي قفلت
لك الحريه بأختيار القسم الي ما رغبت فيه هذا بالنسبه للبنين
اما البنات ما عندي علم فيه يمكن انتوو مطلعين فيه اكثر

بالنسبه للمدارس الاهليه للبنين الاغلب و ( الاكثريه ) المدرسين اجانب
لان المدرسين السعوديين قليل جدا يكونون بالمدارس الاهليه

اما بالنسبه لتعامل المدرسين مع الطلاب
اعتقد بوجهة نظري طريقة تعامل الطلاب مع المدرس تعطي المدرس نظره جيده للطالب
انا ما اقول كل الطلاب اخلاقهم عاليه لا فيه طلاب جايين بس يغيرون جو
استهبال - اغاني والخ تخلي المدرس يعتمد على الشده على الطلاب

[نَبْضْ مَشَاع ـِـرْ]

.. فهدينهو ..

انت تقريباعكس صمت الزوايا
كان ممتاز بالمدارس الحكوميه لكن يوم درس بألاهليه
نزل مستواه عن المراحل الباقيه
مشكله الاهليه تعودك على انك ذاكر 10 او 15 ورقه بس
بعكس الحكوميه الي تخليك تفتح مخك على كل موضوع
هذا ايجابي بالنسبه لمن يريد اكمال الدراسه الجامعيه

تواجدك اسعدني

وحياك بأي وقت

[نَبْضْ مَشَاع ـِـرْ]

.. حنين الذكرى ..

أ/ تدلع الطالب آخر دلع وما تخليه يعتمد على نفسه في المذاكره متعود على التبسيط وكل شي يجيه على طبق من ذهب

اتفق معك بهذا الشي

ب/ الآساتذه قمه في التدريس من ناحيه الشرح وآهتمامهم بالطالب

وقمه في مدح انفسهم << الضمير يعود للمدرسين
تلقين المصري يمدح نفسه بالحصه عشر مرات
بالعكس السعودي الي يتكتم على شهادته حتى اسم الجامعه او الكليه التي تخرج منها

أ/ يتعب في المذاكره ويلخص كل شي لنفسه

من ناحية التعب هذا امر لابد منه
اما من ناحية التلخيص لكل ماده دفتر ملخص له
يعني ما عليك الا ان تذاكر دفتر الماده

ب/ الآساتذه فيه منهم قمه وبعضهم للآسف حرام يدرس وآهتمامهم بالطالب قليل

صحيح فيه وفيه ما نقول لا لكن فيه بعض الطلاب هم الي يجبرون المدرس على هذا الشي
وفيه مدرسين تقدرين تقولين مغصوبين بالتدريس

تختلف 180 درجه لآن الآهليه تعامل الطالب باللين والحكوميه بالشده

لو خيروني تختار اللين او الشده لاخترت الشده
اذا اعتمدت على اللين بصوره كبيره خلاص راح تعتمد عليها بشكل كبير
اذا اعتمدت على الشده والحرص بكل حصه على الدرس الماضي ومعاقبة الطالب المقصر تجعل الطالب يهتم اكثر بدروسه وهذا امر جيد


اسعدتني مشاركتك اختي حنين

وحياك بالموضوع بأي وقت

[. $ .]

ما الفروقات الموجوده بالمدارس الاهليه ولا توجد بالمدارس الحكوميه ؟

فيه فرقات كثيرهـ ماتنعد ^_^

انت تدرس اهليه او حكومي ولماذا ؟

حكوميه طبعا ولو قالولي اهليه بقول لا < < من القلب

وهل صحيح معاملة الطالب بالمدارس الاهليه تختلف عن معاملة الطالب
بالمدرسه الحكوميه ؟

أكييييد نص مدرسي المدارس الأهليه مصاري يعني ماينفخون ع الوحد

بالأحرى سباايك

بقوول شي بس لايزعلون من الأخوان الي في الأهليه الي يدرسون بمدارس الأهليه(( يطلع متربي ع الدلع بالأحرى موهب رجال ))

ايهما افضل علمياً بين الطالب الاهلي والطالب الحكومي بعيداً عن النسبه او الدرجه ؟


الأهليه تطلع منها دلخ ماتفهم شي وتدور الواسطه < < ينطبق ذا الكلام على اخوي نواف

اما الحكوميه تقعد فيها أليييييين تصير رجال وتتفووق في موادك

[نَبْضْ مَشَاع ـِـرْ]

مشكور رابرز على طرح رايك

وهذي وجهة نظرك

لكن ما ننكر وجود طلاب بالاهليه متفوقين
ووجود طلاب بالحكوميه ما يدرون وين ربي حاطهم

اسعدني ردك

وما زلت انتظر بعض المشرفين وبعض الاعضاء لطرح رائيهم

!!!

[.. طربق طربقه ..]

*ما الفروقات الموجوده بالمدارس الاهليه ولا توجد بالمدارس الحكوميه؟

الاهليه دلع وراحه على كيف كيفك عكس الحكوميه كل يوم كرف والشده عندهم

الاهليه ملخصات واوراق والحكوميه يالله تخطيط بعد

الاهليه مدرساتهم مالهم شخصيه والحكوميه الله يعينا بس من زود الشخصيه فيها


الاهليه اللي يقهرني فيها انهم معطين البنت حريتهايعني تغطية الوجه هذا ابد اغسل يدك منها ولو وشو ماتتغظا موب الكل عكس الحكوميه في ذا العباية الراس وغطوه



*انت تدرس اهليه او حكومي ولماذا ؟

حكموميه ولماذا لانها تحرص على تعليم الواحد وتعطيه ثقه بنفسه
واغلب المعلمات اللي فيها سعوديات اما الاهليه لا والله
اغلبهم مصريات ولا وبعد تلقها تعطيني فيزياء وهي بالاصل كيماء
اهم شي عندهم تكون معلمه
وترا بعدين تختلف مثل المدارس الحكوميه في بعضها زينه وبعض لا
وحتى الاهليه بعضها زينه وشديده
وبعضها لا والله تخاف تصير المديره داجه من زود الدجه في هالمدرسه وبعدين الاستاذه في الاهليه ماله شخصيه ابد

*وهل صحيح معاملة الطالب بالمدارس الاهليه تختلف عن معاملة الطالب
بالمدرسه الحكوميه ؟

الاهليه مايستعملون مع الطالب الشده
ومعطينهم راحتهم ومرخينهم في المنهاج مثل اوراق
بعكس الحكوميه 180 درجه اول شي انهم يعتمدون على نفسهم
والدرجات من اجتهاد الشخص نفسه
في حرص يايكون من الطالب او المعلم

*ايهما افضل علمياً بين الطالب الاهلي والطالب الحكومي بعيداً عن النسبه او الدرجه؟
افضل الطالب الحكومي لانه يكون معتمد على نفسه
وفاهم المنهج صح عكس اللي في الاهلي
واهم شي اذا تخرج من الجامعه هنا بيطلع الاهلي من الحكومي
تشوف الاهلي والله مايدري عنه نفس يعني بالعربي مفهي عكس
والله الحكومي تشوفه داخلن الجامعه ورااسه متروس معلومات

والمشكله ياخوي ان بعض الناس فاهمين المدارس الحكوميه غلط :roo7 (15):

اخر شي يسلمو والله يعطيك العافيه على هالموضوع الرائع

عسـاااك على القوه :)

كــــــــــــل الــــــــــود

[نَبْضْ مَشَاع ـِـرْ]

مشكوره اختي طربق طربقه

اتقبل رايك بكل حفاوه

اشكرك على تنوير متصفحي

[& بنت السعوديه حلاها غير]

انت تدرس اهليه او حكومي ولماذا ؟

حكوميه

وهل صحيح معاملة الطالب بالمدارس الاهليه تختلف عن معاملة الطالب
بالمدرسه الحكوميه ؟

والله ماادري


ايهما افضل علمياً بين الطالب الاهلي والطالب الحكومي بعيداً عن النسبه او الدرجه ؟

يقولون الاهليه بس الاهليه الدرجات بفلوس يشترونها

اما الحكوميه بمجهود وتعب

مشكوره خيتو على الموضوع

نتظر جديدك

بنت السـ ع ـوديه حلاها غ ــير