أســ الــريــاض ــيــر
09-17-2007, 11:24 PM
قصيده للاخ العزيز شاعر العثمانيات .. من الشعراء ياللي اتابع قصايدهم .. واحب اقرالهم .. وهذي القصيه من روائع هذا الشاعر .. وهيه بعنوان " ودعتك الله لو على قلبي اخطيت " .. وانا شفت القصيده .. وقلت انه حرام تنحصر في مكان واحد .. وحبيت اني انشرها للاخ الغالي :
ودعتك الله لو على قلبي اخطيت ***وحاربتني من دون ذنب وخطيّه
احسبك تذكرني اذا اصبحت وامسيت *** واثرك على فرقاي نفسك هنيّه
الله واكبر كيف عنّي تخليت *** من بعد ما علقت روحي البريّه
وش غيّرك وش بدّلك ليه صدّيت ***وانت الذي بالقلب نبض وهويّه
من هو بقى لي بعدما عنّي اقفيت *** وقدمتني للحزن اثمن هديّه
كل شي تخيلته ولا يوم ظنيت ***انك لحد غيري ولا نتاب ليّه
ويلك من الله كيف بالحب ضحيت *** قلبك حجر ما حنّ يومٍ عليه
اللي بيننا بعمر في يوم هدّيت *** واحلامنا ما عاد منها بقيّه
اتعد غلطاتي اذا يوم زليت *** من دون مدري ...وين ذيك الحميّه
ما فيه معصوم الخطا لو تحريت ***ولا فيه كامل غير رب البريّه
ولو ما احبك ما نشدتك ولا اطريت *** بعدك وصدك وانتخيتك نخيّه
ترجع لقلبٍ يوم بالعقل حبيت *** وتترك هل الاحقاد واهل الوشيّه
خايف عليك وخايفٍ منك يا ليت *** ما يوم حبيتك وصرت الضحّيه
لا نيب حي بعد هجرك ولا ميت*** ولاني مريض ينعرف بالشكيّه
لكني ادري بحالتي لا ترديت*** ولا ينفع الملتاع طبه وكيّه
مالي سوى اللي كلما راح ناديت *** يا كود يسمعني ويرجع اليّه
ودعتك الله لو على قلبي اخطيت ***وحاربتني من دون ذنب وخطيّه
احسبك تذكرني اذا اصبحت وامسيت *** واثرك على فرقاي نفسك هنيّه
الله واكبر كيف عنّي تخليت *** من بعد ما علقت روحي البريّه
وش غيّرك وش بدّلك ليه صدّيت ***وانت الذي بالقلب نبض وهويّه
من هو بقى لي بعدما عنّي اقفيت *** وقدمتني للحزن اثمن هديّه
كل شي تخيلته ولا يوم ظنيت ***انك لحد غيري ولا نتاب ليّه
ويلك من الله كيف بالحب ضحيت *** قلبك حجر ما حنّ يومٍ عليه
اللي بيننا بعمر في يوم هدّيت *** واحلامنا ما عاد منها بقيّه
اتعد غلطاتي اذا يوم زليت *** من دون مدري ...وين ذيك الحميّه
ما فيه معصوم الخطا لو تحريت ***ولا فيه كامل غير رب البريّه
ولو ما احبك ما نشدتك ولا اطريت *** بعدك وصدك وانتخيتك نخيّه
ترجع لقلبٍ يوم بالعقل حبيت *** وتترك هل الاحقاد واهل الوشيّه
خايف عليك وخايفٍ منك يا ليت *** ما يوم حبيتك وصرت الضحّيه
لا نيب حي بعد هجرك ولا ميت*** ولاني مريض ينعرف بالشكيّه
لكني ادري بحالتي لا ترديت*** ولا ينفع الملتاع طبه وكيّه
مالي سوى اللي كلما راح ناديت *** يا كود يسمعني ويرجع اليّه