البرمودا تحت العبايه والسيقان طالعه

[『 خــويــلـــد 』]

السلام عليكم


تعرفون اول ما انتشرت العبايه الفراشه والخفاش والسمكه ومدري وشو ما خلو شي الا طلع لنا اسم

والمخصر <- اووما هذا اقسسسسم بالله اضحك اذا شفت احد لابسها مصصصخره مو مخصر


الحين انتشرت البرمودا والعبايه مفتوحه من تحت يالله خذلك ابي اعرف ليش البنت اذا راحت السوق تلبس مثل اللبس

يعني سوق تقضى وانزلع البيت


المشكله والله يقهرك تمشي وتشوف السيقان طالعه واذا حطيت نظرك ع السيقان وشافتك عطتك نظره كأنك متحرش فيها

ليش طيب تطلعين كذا انتي اللي جبتيها لنفسك ولا اذا كنت جنبها تقول يا قليل الادب اللي ما تربيت <- نست نفسها


اوكي انا ما اقول البرمودا حرام او لا تلبسينه البسيه في البيت او وانتي طالعه لبيت ثاني بس مكان عااااام

مثل مستشفى او سوق خيييير ان شاء الله


سؤالي الحين لكم

1 : قد شفتوو مثل كذا في السوق او في مكان عام ؟؟

2 : وش رايكم في البنت اللي كذا ؟

3 : وش الهدف من البنت يطلعون كذا بشكل هذا ؟

[أكرهـ الـنــكــد]

صباح الحلى

موضوعك شدني بصراحه

شوف اخوي خويلد لو كل بنت قبل تطلع بالبرمودا حسبت حساب انه ممكن ترتفع العبايه لركوب سيارة مرتفعه مثل الجمس <<مثل سيارتنا بصراحه لازم شي مايطلع الساق يعني لو كانت تنوره اعاني بصراحه بس لو بنطلون وناسه لو ارتفعت العبايه ماراح يطلع الساق ياخي قرف يطالعك كل من هب و دب في الشارع الهنود و ابو يمن ذابحتهم الغربه و قز في بناتنا اللي يلبسون البرمودا <<بكرههم فيها

تقبل مروري و كثرة بربرتي عليك على الصبح

[『 خــويــلـــد 』]

يا هلا والله خيتوو آكره النكد


صباح النور والسرور يا هلا

صدقتي والله البسي بنطلون وريحي عمرتس والله جد كل من هب ودب قزك قز

بس لا اللي يقهرني اللي في السووق والله كم مرره صارت كذا في السوق اشوفهم ولا اذا جت تمشى تمشي بسرعه وتمد رجلينها يعني مدري شوفوني وش لابسه او مستعجله تخاف يسكر المحل


الله يعين بس


مشكوره خيتوو ع المرور

[نعوووومه]

موضووووع يستحق النقاش فعلا

اختيار موفق للموضوع خويلد


سؤالي الحين لكم

1 : قد شفتوو مثل كذا في السوق او في مكان عام ؟؟

اوووه ياكثرهم والله خصوصا في الاسواق هالاشكال اشوفها كثير فيها

ولا بعد تجيك تتمايل في مشيتها تقول ذي ترقص مو تمشي << يقهرووون

2 : وش رايكم في البنت اللي كذا ؟

انا الصراااحه استحقر البنت الي كذا

ودي اصكها كف تعرف ان الله حق << وش مانعك طيب

3 : وش الهدف من البنت يطلعون كذا بشكل هذا ؟

اكييييد هدفهم الاول والاخير لفت نظر لهم واستعراض لااكثر ولا اقل

واخر شي مشكوووور خوخه لطرحك لمثل هالموضوع الي الان صار ظاهره منتشره بين بعض البنات

وما اقول الا الله يهدي بناتنا ياااارب ويزينهم بالستر والحشمه

والله يعطيييك الف عافيه

تقبل اطالتي 00

[»ﬗ » لآميتآ »ﬗ »]

1 : قد شفتوو مثل كذا في السوق او في مكان عام ؟؟

يوووهووه كثير شفت

انا مره شفت بالمستشفى بالأنتظآر بنت لابسسه عباايه شفآآآفه ! وتحتهاا شورت !


تبغى العن من كذا ؟

2 : وش رايكم في البنت اللي كذا ؟

ماوراهاا رجال ولا لهاا حشمه


3 : وش الهدف من البنت يطلعون كذا بشكل هذا ؟

نفس الهدف اللي من وراه يلبسون المخصر والمزخرف والملون


شوف خويلد معلمتنا معلمه دين كانت تقول لنا البسو بناطيل استر لكم في حاله حدوث حادث لاسمح الله

عشان الوحده ماتتكشف

لكن طبعا معلمتنا قصدهاا بنطلون تحت التنوره :)

وأحنا بنات هاليومين ماايرضينا شي

اقوولك انا البس لكن بنطلون اسود فضفآآض يقارب للتنوره

اما جينز والوآن مسستحيل


مااقصرت

[روج بنفسجي]

والله شيء مؤسف ومخجل

وصلنا لدرجة أن الرجال هم من ينتقدوننا : (

فعلاً أمر مخزي

خويلد ، موضوع مهم جداً ولمست جرح حساس والله


1 : قد شفتوو مثل كذا في السوق او في مكان عام ؟؟

لم يسبق لي أن انتبهت والله

كنت ألمح البناطيل الجنز من تحت العبايات ، لكن سيقان ما عمري انتبهت

2 : وش رايكم في البنت اللي كذا ؟

طبيعي أولاً ، إنها إنسانة لا تفكر بالعواقب ولا تحسب لله حساب .

وطبيعي برضو ، انها مثل ماقالت لاميتا ما وراها أحد يردعها

وطبيعي ثالثاً ، انها تعاني نقص فضيع ولذلك تحاول تغطي هالنقص بمحاولة شد الانتباه لها .


3 : وش الهدف من البنت يطلعون كذا بشكل هذا ؟

مثل ماقالوا ، لفت انتباه

تقليد ، محاولة لإثبات الذات بطريقة خاطئة .

يعني ممكن تكون أهداف كثيرة ومختلفة

: )

خويلد ، موضوع ثري جداً

سأعود لأقرأ المزيد من الردود

[روج وردي]

مع الأسف العباية اليوم اصبحت موضة
فوق خشبة عروض الأزياء..


قد شفتوو مثل كذا في السوق او في مكان عام ؟؟

بكل أسى شفت في اسواق ومطاعم بس اللي يقهر انك تشوف هالحالة واصلة حتى انتظار المستشفى يعني الوحدة تعبانة ولاهو وقت تكشخ ابد وقاعدة تعرض سيقانها للمارة !!!


وش رايكم في البنت اللي كذا ؟

أرحمها إحسها إنسانة غارقة في دوامة النقص ومالقت غير ذا الشي تعوض فيه.


وش الهدف من البنت يطلعون كذا بشكل هذا ؟

بإختصار للفت الإنتباه..
التقليد الأعمى ..
فهم خاطئ للتطور..
البعد عن الدين..

أحياناً إنعدام التوجية من الأهل وترك الأبناء يفعلون مايشاءون دون التمييز بين الحلال والحرام والمعقول والا معقول..



يعطيك العافية خويلد على هالطرح
والله يصلح احوال المسلمين

[صاحى لهم]

اول شى خلنى اخبرك الموضه الجديده

هى اسمها ادحداك تلبسنى يعنى مره ضيق

والبنات ترا مره متحدياااااااااااااات

والله رائيي انها تنضبط وبس

[.. طربق طربقه ..]

يسلمووو خويلد موضوووع راائع ومهم




1 : قد شفتوو مثل كذا في السوق او في مكان عام ؟؟


ههههههههههههههههههها

وقسسم بالله ياخويلد شفت موقف بغييت ارووح لخوها وعطيه كف احس مايستحي على وجهه يطلع اخواته وهم لابسين برمودا وهالسيقان جعلها الكسسر ان شاء الله التربيه وينها

انا والله شفت في الفيصليه تقريبا بنت عمرها 17 واتوقع ان اخوها مادخلووه ومع اصدقاء عاد شف كم صديق

جايه البنت تمخطر وفاتحه عبايتها وطالع ساقها ودخلت اخوها وكان هالولد مايستحي على وجهه ياخي اختك مطلعه ساقها عند العالم ولا وعند اصدقاءه
صرااحه هالموقف حز في نفسي وين الولد اللي يحافظ على كرامت اهله ياختي ألبسي بنطلون بس تكون السيقان مستره

2 : وش رايكم في البنت اللي كذا ؟

اول شي التربيه منزووعه عندها يعني يبيلها تربيه من جديد
وقليلة حيا

3 : وش الهدف من البنت يطلعون كذا بشكل هذا

تلفت الانتباه وتقلد العالم مع الخيير ياشقراا
بالعربي شوفوني مطلعه سيقاني >> الحمد الله على نعمة العقل

الله يعطييييك العافييييه

الله لايحرمنا منك

كـــــــــــــل الــــــــــــــود

[عيونك آخر آمالي]

وعليكم السلآم .... يآهلآ وغلآ

1 : قد شفتوو مثل كذا في السوق او في مكان عام ؟؟

كثييير .. وبكل مكان بالأسواق وبالمطاعم وبالمنتزهات

2 : وش رايكم في البنت اللي كذا ؟

تافهه ناقصه ماعندها وعي عنده نقص بادراك الدين بمعرفة الحلآل والحرآم


3 : وش الهدف من البنت يطلعون كذا بشكل هذا ؟

شف مره قريت بمجله موضوع عن البنات اللي يتمكيجن للسوق
وانا اقرا شفت وحده تقول انا ماأقدر امنع بناتي << طيب لييييش ؟؟
شف شلون السخافه رده اغبى من وجهه << مقهووره

تقول : صدقاتهم يلبسون ويتمكجون وانا مااقدر احرمهم << اووف باايخه
طيب وين الدين والتربيه وين الاخلاق وين اللي يقولون ان البنت حلاها بحياها
^^^ الله مستعان

وعن الهدف مدري يمكن تقليد أو مووضه أو الهدف السئ





وبس واعتقد اللي قبلي كفوو وفوو
يعطيك العافيه ... موضوع يستحق بالفعل المناقشه

[صَِـ ّمّ ـْتُ الزْوُاَيَ ّـاّ]

هلا خوويلد موضوعك حلوو مثلك يااحلوو ويستاهل النقااش

شف وانا اخوك ياكثر الي مروا علي بهالاشكال وخاصتن عندنا بالمستشفى يعني الواحد

مايكز بشغله لازم شي اعوذ بالله يلفت انتباهه والشيطان مايخلي احد بحااله اما رأيي فيهم

وش اقولك انا قلت ماوراها رجال ولا انها تبي تماشي الموضه ولا تبي تلفت النظر اتوقع هالشي

استحقاار وضعف وذل بعد والله لايبلانا تتوقع انها بتكون مميزهـ حشى ماهيب بنت انا اقول

ترمي العبااة وشوله تلبسها وتفتن خلق الله يمكن يااخي اذا بان المستور العالم يشوفون

وربي احسن من انها تلبس عبااة

بس حتى ولو الي عندها كرامه وعزة ماتسوي كذا انا مااقول لايلبسون يلبسون

يلبسوون عااد بس في اماكن تسمح انها تلبس مثل ماذكرت انت وقلت بكلامك

عموما اتوقع الي تسوي كذا وحدهـ من الثنتين ياافقدتن شي وتبي او انها رايحتن فيها << ورا ماتنطم

يعني جبت شي جديد الحين ههههههههه

وع العموم اشكرك اخوي ع طرجك الرائع بس اتوقع لو سالت بنت وقلت ليه تسوين

كذا بتقولك وش دخلك وهذا حريه شخصيه هذي الكلمه صاايرهـ الموضه بعد حريه شخصيه ومدري وشو

نعنبوا ابليسكم البزر حتى البزر صار يقول ميد ابوهـ وامه كل ماسوا غلط

قال حريه شخصييه هههههههههههههههههه

عوووافي خيوو خاالد ننتظر ردودك وطرحك ومواضيعك الرائعه

[*شرقاوية والخطوهـ ملكية*]

موضوع بصراحه ع الوتر الحساس

كثير مثل هالشاكله ،،اللي بكل امانه مع احترامي انها شخصيه مو متربيه وماعندها ولي مرشد،،،

اللبسي اللي تبين لكن لكل مقام مقال...انتِ رايحه تقضين أو تستعرضين؟؟؟

ولا عاد اذا جاتك السيقان الله اكبر <<ماهو تشمت لكن..

اعتقد هذي الاشكال ماعندها مراياولا عندها غيرة على نفسها والادهى والامر اذا كانت مع اهلها مثل ماقالت

العسوله(طربق طربقه)

الله يعيننا على الدنيا بخير...

خويلد موضوع يستحق النقاش ...قديطول الحديث بتلك المواضيع

سلمت يمناك ولاهنت

[!..ـروحـ إنسانهـ..!]

سؤالي الحين لكم

1 : قد شفتوو مثل كذا في السوق او في مكان عام ؟؟

2 : وش رايكم في البنت اللي كذا ؟

3 : وش الهدف من البنت يطلعون كذا بشكل هذا ؟

[COLOR="DarkOrchid"]1-اكييد شفنا وحتي في المستشفيات بعد..
2-قلة أدب.. فإن لم تستحي فاصنع ماشئت والله يستر عليهم ..
3- الهدف ياعزيزي لفت نظر وبرااااايي يمكن تكون الموضة..هي السبب.. وحساااافة الكل غاااافل عن هالشي.. يعني هي فسااااااااااد الذوق..

( البرمودا ما قلنا حرام ولا قلنا عيب بس لمن يصير بالاسواق وقدام العالم
هنا نقول حرام !!
وين الغيرة على نفسك وين الخوف قبل كل شي من الله !!)

هذي البنت لمن تلبس زي كذا وتطلع السوق وتمشي بكل مياعة
كأنها تقول لشباب شوفوني وش ملحي تعالوا غازلوني .ما درت انها فتنة ممكن
يتهورون بعض الشباب ترا ماعندهم مشكلة

والرسول صلى الله عليه وسلم يقول ((عن أبي هريرة رضي الله عنه قال قال النبي r ( صنفان من أهل النار لم أرهما بعد : قوم معهم سياط كأذناب البقر يضربون بها الناس , ونساء كاسيات عاريات , مميلات , مائلات , رؤوسهن كأسنمة البخت المائلة , لا يدخلن الجنة , ولا يجدن ريحها , وإن ريحها ليوجد من مسيرة كذا وكذا )

انا مااقول اني مالبس هالشئ بس بحدود يعني رحت لمكان عاام لازم اوريهم شو لبسه

اتمني ان لااكوون اطلت في كلامي

ومشكور ع الموضوع
الذي يحكي واقع اليووم

[soosoo]

سلاااااااااااااااااااام خوويـــــلد مووضووعك اعجبني حبيت اشاارك فيهـ ^ __ ^




1 : قد شفتوو مثل كذا في السوق او في مكان عام ؟؟
اايـــــــــــوه كثيــــــــر اشوووف زي هذي الاشكال وياامااا رااح نشوووف ووونشوووف ( اللله يهديهم بس)
2 : وش رايكم في البنت اللي كذا ؟
مممممـ للاسف ماعندي راي كويـــــس فهذيـ البنت ....
3 : وش الهدف من البنت يطلعون كذا بشكل هذا ؟

يتسووي ياهوه وتبي تفتن الشباااب وشوويات من هيك....$